اسئلة فى الحب ياريت الكل يجاوب بصراحة

اولا الاسئلة كلها اجباري وممنوع الاستعانة باي صديق او حتي تبادل الادوات ويا ريت الاجابات تبقي بصراحة وده طبعا حتي لو حبيبك هيفتح ويشوف انت كتبت ايه يعني لازم بجد تجاوب باللي في قلبك وباللي بتحس بيه

********************

السؤال الاول :

لما بتتكلم مع حبيبك في التليفون بتبقي مبسوط اكتر وانتوا بتتكلموا مع بعض ولا لما بتقفل المكالمة وتسرح تفكر في اللي كنتوا بتقولوه

********************
السؤال الثاني :

ابه احسن بالنسبة لك ان يبقي حبيبك معاك في نفس المكان وشايفه بعينك بس بعيد عنك يعني انت مثلا واقف مع اصحابك وهو مع اصحابه بعيد عنك ولا احسن لما يبقي معاك في خيالك وقريب منك اوي

يعني من الاخر لما تبقي شايف حبيبك عالحقيقة بس بعيد عنك ولا لما يبقي قريب منك اوي بس في الخيال

********************
السؤال التالت :

بتفكر في حبيبك كتير ولا لا ولو بتفكر فيه يبقي بنسبة كام في يومك وبتفتكره بشدة امتي

والنقطة التانية من السؤال انت لما بتبقي مبسوط اوي مع اصحابك بتفتكر حبيبك

وتتمني يبقي معاك اللحظة دي ولا اصحابك بينسوك حبيبك

********************
السؤال الرابع :

عمرك حلمت بحبيبك ولو حلمت يبقي كام مرة وينفع تحكي حلمك ولا لا

********************
السؤال الخامس :

لما بتفتكر حبيبك او تسمع اسمه ايه اول شعور بتحس بيه وايه بتبقي مشاعرك ناحيته وانت بعيد عنه

*********************

مستنية ردودكوا وياريت الكل يجاوب على الموضوع ده ومحدش يتكثف