WwW.HaYs.MaM9.CoM



بسـ،ـم،ـ الـلـه الرحـم،ـن الرحـيـ،ـم،ـ

منتديات هـيــ^_^ــس ترحب بكمـ
انتا هنا في عالم المهيساتيه اوعى تكشر
هنا احلى لمه لاحلى تهيس في الدنيا ا
هيس تعيش كويس
فكر جديد للتهيس

لمراسلة الادارة
tmalem3ak@yahoo.com
WwW.HaYs.MaM9.CoM



بسـ،ـم،ـ الـلـه الرحـم،ـن الرحـيـ،ـم،ـ

منتديات هـيــ^_^ــس ترحب بكمـ
انتا هنا في عالم المهيساتيه اوعى تكشر
هنا احلى لمه لاحلى تهيس في الدنيا ا
هيس تعيش كويس
فكر جديد للتهيس

لمراسلة الادارة
tmalem3ak@yahoo.com
WwW.HaYs.MaM9.CoM
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

WwW.HaYs.MaM9.CoM

** هـيــ^_^ــــس تـعـيـش كـويـس**
 
الرئيسيةالتسجيلدخول

 

 هاااام جدااا لكل البنات (للبنات فقط), ممنوع لأى شاب

اذهب الى الأسفل 
2 مشترك
كاتب الموضوعرسالة
NOUR_L0VE
•-«[ مـشــرفـــه ]»-•
•-«[ مـشــرفـــه ]»-•
NOUR_L0VE

انثى
عدد الرسائل : 94
العمر : 27
تاريخ التسجيل : 30/08/2008

هاااام جدااا لكل البنات (للبنات فقط), ممنوع لأى شاب Empty
مُساهمةموضوع: هاااام جدااا لكل البنات (للبنات فقط), ممنوع لأى شاب   هاااام جدااا لكل البنات (للبنات فقط), ممنوع لأى شاب Icon_minitimeالإثنين يونيو 01, 2009 10:57 am

بسم الله الرحمن الرحيم
آنستي العزيزة.. أيتها الجوهرة المصونة.. والقمر المنير

انا عاوز أقولك شويه نصائح.. لتضيفى لجمالك جمالا

وسحرك سحرا ..وجذابيتك جاذبيه.. ورونقك رونقا ..الخ (من الجاملات)

بس مش نصائح زى بتاعة سمايل اللى أشتغلت دكتورة تجميل من ورايا

لا .. دى نصائح من نوع اخر وفريد



طبعا النصائح دى للمخطوبات فقط...

لأن اللى اتجوزت خلااااص زمانها بتخرط بصل وتوم دلوقتى

ونسيت حاجة أسمها الجمال والرقة والانوثة

مش خلاص يا عينى دبست الراجل وأتجوزته

تطلع عينة وتكفر ذنوبه بقى

يلا ...لا يفيد البكاء على اللبن المسكوب .. وانا لله وانا اليه راجعون


المهم .. خلينا فيكم أنتو اللى لسه أنسات

علشان تضحكى على خطيبك وتاخديه من فتره الخطوبه.. إلى مثوااااه الأخير

في قفص النسانيس ..اا ..اأ.. قصدي قفص الزوجية السعيد ..

فلازم تستغلى فترة الخطوبه أكبر أستغلال وتنجزى فيها كدة

لأن كل ما الفترة دى بتطول كل ما بيكتشف عيوبك أكتر واخرتها هيطفش.


وأجمل ما في الخطوبة العزومات الرومانسية.. على أحلى المحلات وأغلاها

أكل وفسح ولعب.. واللي عمرك مانتي شايفاها بعد الجواز..أبدا

الا بعد ما تقصفى عمرة ويموت وتتجوزى اللى بعدة

ولكى تظهرى بمظهر لائق أمام خطيبك فى العزومات أعملى الاتى :



1-الأول لازم تعرفي إن الشوكة والسكينة بيتمسكوا من إيديهم من

الطرف يعني مش من الوسط ولا من البوز زي الخنجر .



2 -بالنسبه للعيش(الخبز) أوعي تفضحينا وتقطعيه بسنانك..

ولا تقطعى الرغيف نصين بإيدك وكل نص تعمليه لقمة وتحشري..

أوووعي.. العيش بيتقطع بالسكينة في الطبق..

وبعدين تاخدي لقمة.. لقمة .. بالعافية.. أل يعني نفسك

مسدودة.. اضغطي على أعصابك جدااا وبعدين لما تروَّحي البيت.. إبقي

حِـفِّي زي ماانتِ عايزة .. محدش هيقولك حاجه




3 - الشوووربة .. بند الشوربة ده مهم جدًاااا

الشوربة تتشِرب من غير صوت خالص.. ومن غير ماتقعدي تنفخي

فيها.. زي القهوجي اللي بينفخ في حجر الشيشه للزبون..

وطبعًاااااا عايزِك تنسي تمامًا.. السلطانية اللي بتبلبعيها

مرة واحدة فى البيت وتدلدقي على روحك ..

الشوربه بالمعلقة وبدون صوت.. سخنة .. ولعة .. بتطلع نار

برضه بدون صوت وتسيبي تلت الطبق ع الأقل

مش لازم تلهطيها لأخر نقطة



4 -الرز طبعاً .. بيتّاكل بالشوكة.. أوعي إيدك تتمد على المعلقة

انتى مش فى البيت هنا علشان تاكلى بالكوبشه

.. إووووعي.. الرز بيتّاكل بالشوكة.. وكإنك بتبوسيه مش بتاكليه.




5 - المكرونة.. الاسباجتي.. برضه بالشوكة.. تتلف على طرف

الشوكة.. لحد ما تخلص وبعدين تحطيها فى بؤك من سكات.. مش

تشفطي المكرونة عود عود زى المكنسه



6 -السمك..أممممم السمك دا مشكلة..وهتفضحينا

شوفي بقى وركزى معايا .. اول حاجة تفصلي اللحم عن الشوك . . !!

تقطعي اللحم من النص.. بالطول وبعدين تفردي اللحم على الجانبين ولما تخلصي

ناحية.. متقلبيش السمكة.. بلاش فلح.. شيلي السلسلة بالشوكة والسكينة

وحطيها في جنب الطبق (وابوس ايدك اوعى تمصمصى الشوك)

وكملي أكل النص التاني.. وبدل الفيلم الهندي ده كله .. نصيحة

ماتكليش السمك خالص.. قولي مابحبش السمك وخلصي نفسك

وابقى روحى أزلطى سمك فى البيت زى ما أنتى عاوزة




7 -الجمبري.. ( دا إذا كنتي عارفاه أصلا )

أول ماطبق الجمبري ينزل.. بصيله بقرف واحتقار شديدين..

آل يعني زهقانة من كتر أكل الجمبري الجامبو ف بيت بابّااااا..

واتنهّدي جامد وقولي.. برضه جمبرى..؟؟؟!!

وتروحي قاطعة راس الجمبريّاية.. بالشوكة.. (أنا ف عرضك إنسي

المصمصة دى دلوقتي)






8 - البطاطس سواء مسلوقة أو محمرة..

أوعي تهرسيها وتدبيها على الرز وتدّي ...لا..لآ...لآ بالشوكة وحتة حتة

وإنت زي ما تكوني هاتعيطي من كتر ما البطاطس صعبانة عليكي




9 - الفاكهة..

لو الفاكهة فيها بذر.. طلعيه من بؤك بالراحة وحطيه فيإيدك وهي مقفولة..

وبعدين في طفاية السجاير اللي ع الترابيزة

أوعي ياعسل من نظام التفتفة للبذر..




10 - ولما تخلّصي أكل تحطي إيدك على بطنك..

(اللي عصافيرها بتصوصو من العينات اللي كلتيها)

وتقولي لخطيبك مش ممكن.. أناعمري ما اتفجعت كدة..

أنا قدامي أسبوع لما أعرف اكل حاجة تانى

وبعدين تمسكي الفوطة اللي دايمًا موجودة على التربيزة من غير لزمة..

وتبوسيها برقه.. آل يعني بتمسحي بؤّك وبعدين تستأذني منه لإصلاح ماكياجك..

وتدخلى التواليت وتطلعي من شنطة إيديك.. لفةالفول والطعمية وكيسه الكشرى

اللي جايباهم معاكي

وتضربيهم فى السريع كدا .. علشان متجوعيش فى بقيه الفسحة



سلام يا قمامييييييييييير يا عساسيل

أل جنس لطيف أل ... حسبى الله ونعم الوكيل

__________________________________

غريبه ماتشتاق لصوتي وتحب تسمع سكوتي ياترى لو مت بتفرح بموتي

هاااام جدااا لكل البنات (للبنات فقط), ممنوع لأى شاب 948325342
?? DoOo YOU ReMeMbER
الرجوع الى أعلى الصفحة اذهب الى الأسفل
lonely girl
•-«[ عضـو عامل مشاكل ]»-•
•-«[ عضـو عامل مشاكل ]»-•
lonely girl

انثى
عدد الرسائل : 334
العمر : 29
الموقع : مصرية مؤقتا
تاريخ التسجيل : 17/05/2009

هاااام جدااا لكل البنات (للبنات فقط), ممنوع لأى شاب Empty
مُساهمةموضوع: رد: هاااام جدااا لكل البنات (للبنات فقط), ممنوع لأى شاب   هاااام جدااا لكل البنات (للبنات فقط), ممنوع لأى شاب Icon_minitimeالإثنين يونيو 01, 2009 4:45 pm

تلت الطبق ع الأقل
Sad Sad Sad
الرجوع الى أعلى الصفحة اذهب الى الأسفل
 
هاااام جدااا لكل البنات (للبنات فقط), ممنوع لأى شاب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
WwW.HaYs.MaM9.CoM :: ركن الشباب والفتيات :: الـجـنـس الـلـطـيـف ..-
انتقل الى: