فــ ضــ فــ ضــ ــه

تاكل الذئاب من الغنم القصى
على فكره احنا غلابه ميت مليون تيار وميت مليون فكره الواحد مابقاش عارف ايه صح وايه غلط
يوم اقرا ان الاشتراكيه هى الانسانيه ويوم اقرا انها مخطط يهودى للسيطره (كتاب المؤامره الكبري لدكتور مصطفى محمود)
وغيره وغيره.................... انا مسلم وباتمنى العزه للاسلام بس رافض او خايف من الحكم الاسلامى او بالاحرى من فهم الناس للاسلام ما القتله بتوع العراق بيعذبوا الناس ويذبحوهم باسم الاسلام وهو برئ منهم.
باختصار احنا جيل اشبه بالمسخ تركيبه غريبه خليط من ثقافه امريكيه واسلاميه وعربيه و.....
السذاجه ملهاش تعريف زى معظم المعانى فى حياتنا انا فاكر انى مره قولت فى وسط اصحابى ان الى موودى البلد فى داهيه الاحلام الفرديه يعني ازاى اعترض على المسئول اللى مستغل منصبه لمصلحته ومبيفكرش غير فى نفسه وانا بعمل نفس الكلام بشتغل لمجرد انى اجيب فلوس ليا بس وتولع بقيه الدنيا ازاى المسلمين الى بيتقطعوا كل يوم فى كل العالم مش فارقين معايا واطلب منه انه يهتم بيا طبعا الى انا قلته ده كان فى رايهم سذاجه لازم اكون انا مدار الكون بعمل الخير لمجرد انى منتظر الرد كل افعالى لازم تنتهى عندى.
هل التعاظف مع مسلم او انسان بغض النظر عن ديانته يعتبر شعور سلبى
على فكره لو كل واحد كان بيفكر بانانيه ماكانش البشر ارتقوا علميا على الاقل .
والمسلمين هيفضلوا فى نظر الكل مجرمين لضعفهم فى قس بيساند ماكين فى حملته الانتخابيه قال انا الاسلام آفه العالم الحديث وان امريكا اوجدت للقضاء عليه
كل مسلم لوحده سواء افراد او دول اكيد المسلمين بقوا صيد هين وسهل اوى لاى حيوان

هل الحياه مجموعه مصالح متبادله ولا رساله؟
هل النجاح انى اكون غنى ولا اداه من ادوات الله فى اعلاء كلمته نشر الخير؟
هل المثاليه سذاجه تؤدى للفشل؟
هل؟
هل؟
اينشتن قال: only a life lived for others is a life worth while

هل الانانيه حل؟

وبرضه مش عارف انا قدرت اوصل اللى انا عايز اقوله ولا لا
الموضوع كله شويه اسئله انا مش عارف اجاوب عليها

نــــايس توبيك

هل التعاظف مع مسلم او انسان بغض النظر عن ديانته يعتبر شعور سلبى؟لا طبعابس احنا دينا علمنا اننا نكون متعاونين دايما وكلنا اخوات مفيش فرق فى الديانات وانت بتعمل خير مش مستنى حاجه من الشخص ده بس انت بتعمل كده لانه اكيد هيعودلك بعد كده .. فرضا الواحد فى ازمه ولاقيت انسان بيساعدك من ديانه تانيه هنقوله ابعد عنى انت مش من نفس دينى

هل الحياه مجموعه مصالح متبادله ولا رساله؟ايوا الحياة اصبحت مصلحه مين دلوقتى يعيش فى الحياة وألا يكون له مصلحه بجد الحياة اصبحت شىء غريب والناس اصبحت اغرب ولسه الانسان مش شاف حاجه وياهل ترى الدنيامخبيه ايه علينا تانى الواحد بجد مش عارف

هل النجاح انى اكون غنى ولا اداه من ادوات الله فى اعلاء كلمته نشر الخير؟الغنى غنى النفس والغنى بالايمان الذى اعطاه الله لنا
والحمدلله على هذا وليس هو غنى مال اوغنى اى شىء اخر

هل المثاليه سذاجه تؤدى للفشل؟
مش دايما

هل الانانيه حل؟
عند ناس كتير شايفين ده حل كويس كل واحد دلوقتى بيقول يلا نفسى مش بينظر لحد تانى

صح عندك حق الواحد عنده اسئله كتيرة اووى بس مهما تدور مش هتلاقى ليها اجابه بس الواحد هيعمل هى دى الدنيا وهما دول الناس الواحد هيرضى بنصيبه وخلاص

بس انا برضو عاوزة اسأل سؤال ليه كلنا مش نعيش اخووه مع بعضينا ليه الناس اصبحت كدابه ليه بقى الضمير غايب اووى عند ناس كتير بجد حاجات كتير اووى بقت حاجه وحشه عند الناس

وميرسى كتير على التوبيك

نورتى التوبيك يا قمر وكلامك بجد تمام لو احنا فعلان عايزين الدنيا دى تنصلح مش كل واحد يقول نعمل كذا وكذا كل واحد يبدأ بنفسو صلح نفسك اكيد الدنيا هتبقا تمام .... مشكوره على مرورك يا قمر منوره المنتدى

فعلا جميل انك تفضفض ويارب تكون ارتحت واكيد كل واحد عارف ايه الحل بس المهم انو يصدقه