حوارات جاده بين الشباب والبنات

قبل كل حاجه و قبل اى كلام
اى حد هيقول رأيه هيكون ناتج عن خبرته يعنى كلام سمعه او موقف عاشه او حد شافه
بس مش كلام أكيد او على الاقل المفروض منعممش الكلام

بصراحة انا مش معاكى لما قلتى " كلهم كده دلوقتى " معلشى انتى غلطانة
مش كل الشباب باردين
فى واحد صاحبى كان بيعيط و بيتعب و مره وقع مننا فى الشارع عشان كان بيحب واحدة و مش عارف يشوفها و كان قلقان عليها
بس فى بعض الشباب مش حكاية برود , ده هما اصلا معتبرينها لعبة من الآخر " حوارات و خلاص "
بس الباردين فى الحب دول بيبقوا اصلا باردين فى كل حاجه...انا مش متخيل ان الاقى واحدة هتموت عشانى و بنحب بعض و ابقى بارد
ده انا كده انسان بارد......هههههههه

بالنسبة لموضوع العيوب
انا معاكى ان فى شباب بيفضلوا يحسسوا اللى معاهم انها ولا حاجه وده بيبقى نقص " قال ايه عايز هو اللى يكون متحكم "
بس برده فى شباب معتدلين يعنى فى عيوب المفروض اقول لحبيبتى عليها و هى برده
مش معنى ان فى اتنين بيحبوا بعض يبقوا يقبلوا ببعض و خلاص , مكنوش عملوا فترة خطوبة
بالعكس المفروض لو انا بحبها اوى و عايزها اقولها على عيوبها " مش من وجهة نظرى بس من وجهة نظر الصح "
عشان نبقى احنا الاتنين كويسين
" ما بنى على باطل فهو باطل " مينفعش نبنى علاقة على تقبل الاخطاء عشان بعدين الاخطاء ده هتأثر فينا بالسلب

انما موضوع الشخط و البهدلة ده زى ما قلت بيبقى نقص " عشان يحس انه راجل "
و هو اصلا بيضرب من خلق ربنا كلهم فبيطلع كبته فى اللى بيقول انها حبيبته عشان هى لو حبيبته بجد مش هيزعلها
بس المفروض على الطرفين انهم يعذروا بعض دول حبايب يعنى ميقفوش على بعض بالواحدة
ولا انتوا رأيكوا ايه

اولا يا " مغيرة الكلام "
انا قلت " بعض الشباب " مش " معظم الشباب " اقرى الموضوع كويس
ولا انتى عايزة توقعينى فى الغلط.....هههههههههههه
ثانيا زى ما فى ولاد واخدين الحكاية حوارات
فى بنات برده بيخدوها حوارات
كل اللى يهمها ان الولاد يتخانقوا عليها و انها تتعاكس فى الرايحة و الجاية
و ان فى حد يقولها انتى قمر و بعد كده ...............شكر الله سعيكم
و الله العظيم على يدى فى ناس عارفها عملت كده و مش اللى فى بالك

و بعدين مين اللى قال ان الولد بينسى و البنت مش بتنسى الحب القديم
انتى برده بتتكلمى على الكل
يا Mony فى ناس بتتبهدل و بيبقى حالها يصعب ع الكافر باختلاف النوع شاب او بنت
يعنى فى شباب بيقعدوا طول عمرهم فاكرين البنت اللى حبوها و هى خدعتهم
و فى بنات لما بتسيب بتقولك " هاكونا ماتاتا "
و برده فى العكس يعنى شباب بينسوا و بنات تفتكر طول العمر

و ازاى بقى البنت مش بتقول الشاب مش هحب حد حب عليا قبل كده...بتتقال و الله
يعنى مش معقولة البنت مش هتغير ع الشاب لما يقولها انا حبيت قبلك
ده ممكن تكلمه بس عشان تعمل فيه مقلب يطلع من عينيه
و ممكن يبقى ليها رد فعل ايجابى