كــــــــــلام بنــــــــــات

البنت تحلم و لا تلقيش
و تبكي في الضلمه
و في النور ماتبكيش
تمشي وسط الرجال قويه
و هي يا ولداه من رقة ضعفها مش عارفه تعيش
كلام البنات عن الألم بيقول حكايات
يمر بينا الزمن و الجاي زي اللي فات
هي حكاية بنت زي الصبح مبتسمه
يجيها راجل بالحب و الضلمه و الآهات

Evil or Very Mad

بيقولوا كلام بنات

كلام بنات.. كلام بنات.. كلام بنات
وهو ايه كلام البنات؟ ان البنت تقول على فلان شكله يهوس؟ ولا انها تناقش الموضة مع خلق ربنا.. ولا انها تشوف الميك أب وتسريحة الشعر بتاعة فلانة وترتانة ازاى؟؟ ولا تفتكروا كلام البنات النم على غيرها.. ولا ايه رايكم فى كلام البنات المعيطة؟
ايه رأيكم فى البنات اللى من غلبها خلص كلامها عشان كل ذنبها انها بنت..

بتوجع.. ولا أقول كمان؟

أقول كمان..

هى حدوتة ملتوتة لواحدة بنت.. عندها حفنة سنين يا دوب شيلاهم فى كفها .. من صغرها وكان عندها أحلام.. حلمت مرة بالفارس المغوار.. وفاقت لما عرفت ان مافيش فى زمانها فرسان.. وحلمت زمان ببيت صغير.. وفاقت لما عرفت ان تمن البيوت غالى .. وعليها وعلى ابن الحلال يكافحوا يجيبوا شقة محندقة تلمهم... كان عندها حلم تلاقى فيه نفسها.. ولقت الدنيا دوامة كبييرة.. تاخدها لحت ولتحت تانى لحد ما تتخنق.. يااااه.. حلمت كمان بحضن يسمعها لما تتمنى حد يسمعها.. لكنها لقيته قدمها جامد جاحد.. ظالم وقاسى.. وخلاها تبات ليلها معيطة

فتحت عينيها وسط سنينها ودورت على كلامها.. لقيته وسط أحلامها اتسرسب من غير ما تحس

بجد معاكى حق . بس يارب يكون ده راى كل الناس اللى بيظلموا البنات

تسلم ايدك نووووووووووووور . بجد انتى نور المنتدى كله Embarassed

ميرسى ليكى يا عسل والله دا النور نورك

فعلا الموضوووووع تحفة يا نوووووووور

بس ياريت الكل يفهم دة

وفية ناس فعلا بيوجعهم الكلام دة

تسلملى يا قمرة ع التوبيك