العلاقة بين الشاب و البنت

الموضوع ده ممكن يكون استفتاء
او دردشة مع بعض او حتى فضفضة
و انا هقوله فى صورة اسئلة
انت من رأيك ان العلاقات بين الولد و البنت ممكن تندرج تحت كام عنوان ؟؟؟
و ازاى تعرف او تعرفى انك بتحبى بجد ؟؟؟
و بجد ممكن تعمل ايه عشان خاطر اللى بتحبها/بتحبيه ؟؟؟
للشباب:
ايه اللى مش ممكن تقبله فى شخصية واحدة يعنى مينفعش تكمل معاها و هى فيها الصفة ده ؟؟؟
و للبنات نفس السؤال

و فى النهاية يا ريت متعتبروش الموضوع ده حرب احنا زى ما قلت بندردش
و يا ريت كمان تقبلونى صديق

الموضوع جميل ياقمر Crying or Very sad

وانت منور المنتدى ياعسل
وطبعا نتشرف انك تبقى صاحبنا

جميل يا ميمو تسلم ايدك .. ومنور المنتدى يا كبير ..

السؤال الاول :-

انت من رأيك ان العلاقات بين الولد و البنت ممكن تندرج تحت كام عنوان ؟؟؟

انا من رأيي هوا عنوان واحد فقط ... علاقة صداقه او اعجاب فقط ... واللى يقول اكتر من كدا يبقا بيوسعها شويه ..

السؤال التانى :-

ازاى تعرف او تعرفى انك بتحبى بجد ؟؟؟

انك تبقا عامل زى الاهبل وتبقا بتفكر فى حاجه وفجأه وبدون داعى .. تلاقى نفسك نسيت وتفتكرها هيا مع انها ما تستاهلش اساسا هههههههههههههه
دا فى رأيي انا .

السؤال التالت :-

بجد ممكن تعمل ايه عشان خاطر اللى بتحبها/بتحبيه ؟؟؟

انى احسسها انها اكبر حاجه عندى وانى احسسها انها اختارت الانسان الصح ومخليهاش تندم فى يوم انها اختارتنى مش مجرد كيس جواف شربته .. اكيد فاهم يا مان .. بيـــس يا حاج.

السؤال الرابع :-

ايه اللى مش ممكن تقبله فى شخصية واحدة يعنى مينفعش تكمل معاها و هى فيها الصفة ده ؟؟؟

انها تكون بتحبنى لشخصى انا مش لانى اغنى او احلى منها او حاجه تافهه لازم احسسها انها البنت الوحيده ليا ( ملكة حبى انا )

وفى النهاية انتا منور المنتدى يا نجم وقولى رأيك فى الرد دا اى خدمه يا مان ....

ردك زى الفل
و انا جاى احكيلك موقف كمان و تقولى رأيك
بخصوص "البنات متستاهلش"
اتعرفت على واحد صاحبى فى الكلية و اتكلمنا ع البنات طبعا
عرفت انه حصل معاه نفس الموقف اللى حصل معايا
مع البنت اللى كنت بحبها
بس بعد ما سابوا بعض بقى بيشرب سجاير و ما خفى كان اعظم
لكن انا الحمد لله زادت قوتى للضعف تقريبا
و بقيت اتمرن اكتر
""انا عارف ان ممكن كل الناس تقول ان ده تلاكيك يعنى هو كان عايز يشرب سجاير من الاول بس بيجيبها فى الموقف ده..بس انا بقول الواحد تحت الضغط النفسى و العصبى اللى بيعمله الشخص اللى بنحبه بجد و هو منفض ممكن يأثر أى تأثير و بيكون تأثير خارق...أنا اخدت التأثير ده فى جانب ايجابى بس هو مقدرش يتحكم فى الموقف""
و فى الآخر البنات تقول ان الشباب مش بيحبوا بجد و مش بيحسوا بالبنات
محسسينا اننا مركبين قلب صفيح
و حسبى الله و نعم الوكيل....و ربنا يهدى اللى فى بالى
""مونى هى اللى هتفهمنى""

يارب انا كمان نفسى ربنا يهدى اللى فى بالك ياقمر....... بس ع فكرة انا رايى ان البنت لما بتحب بتحب بجد وبتدى كل حاجة عكس الولد طبعا ............ مش عارفه ياميمو يمكن انا غلطانة بس ده رايى

اولا
ربنا يهدي اللى فى بالنا او ميهديهاش
ده براحتها.. ""ان الله لا يغير ما بقوم حتى يغيروا ما بأنفسهم""
اعتقد ان صعب حد يغير حاجة فيه و هو حاببها
يعنى ممكن ولد يكون مش كويس
و عايز بنت "تفصيل" على مزاجه
مش زى بقيت الناس عايز واحدة كويسة
طبعا طبعا العكس الصحيح
ثانيا
في و في زى ما قلت ممكن اى حد من الطرفين يحب بجد
لكن مين اللى يحب صح
انا شايف ان الولد لما بيحب صح
بيكون اوفى مليون مرة من البنت
صدقينى الكلام ده حصل قدامى مع اكتر من واحد
لكن البنت ممكن تبقى معتبراها تجربة

:santa: ميمـــــــــو كيفك منور المنتدى

اولا :الموضع حلو اوى سلم ايدك

بس انا مع رأى مونى ان البنت لما بتحب بتحب بجد وبتبقا كتاب مفتوح لحبيبها

لكن الولد لما بيحب مبيبقاش ابدا ذى حب البنت ويمكن لو بعدوا عن بعض ينسى ويعيش حياته عادى جدا ويحب جديد وينسى حبيبته ويمحيها باستيكه

لكن البنت بجد بتفضل عايشه على ذكراهم سوا

وعلــــــــــى فكره الولاد برده ممكن ميحبوش بعد حبهم الى ضاع منهم

مش كل البنات بتبقى بتحب بجد ويمكن تكون معتبراهم تجربه ونادر لما تلاقى بنت بتتسلى بولد

هما نوعين من الولاد ومن البنات

ولاد بتخلص وبتحب بجد وبنات بتخلص وبتحب بجد

وناجر لما تلاقى بنت بتتسلى بولد وكتتتتتتتتتتتتييييييييير لما تلاقى ولد بيتسلى ببنت

يعنى عن تجربه بس مش ليا لحد قريب منى اوووى

هو بجد كان هيموت وتقوله انا بحبك ذى ما انت بتحبنى المهم هى البنت وثقت فيه وادته كل الى تملكه من مشاعر وفى الاخر سبها وبدون اى سبب وراح حب واحده تانيه ومش من اى حته من المغرب البنت لما كانت بتلاقيه كاتب نكات انو مخنوق او مدايق بتكلمهفا بيرد عليها باسلوب وحش واخر مره كلمته كان بيقولها انا مخنوق لان انا واحد بحب اتنين ومش عارف اعمل ايه الاتنين طيبين ومحترمين وولاد ناس فا مش عارف اعمل

قالتله : انت مش تعرف اى حاجه عن اح ب لان عمر ما يكون فى قلب يسيع اتنين

مــــــش عارفه قولولى ايه رايكم انت فى الولد ده

انا شايفه انو مجنون ومش عارف يثق فى نفسه وبجد ذى ما هى قالت عمره ماعرف معنى الحب الى بجد وهى لحد دلوقتى بتسال عليه لانها خايفه عليه اوى وخايفه ان البنت ان هو بيحبها بتكون بتضحك عليه

لان مينفعش انا حد يحب من النت وكمان من المغرب

انا مع اى حد يقول ان الحب موجود فى اى حته بس مش لدرجه ان حد من اقاهره يحب حد من المغررب ازاى هيعيشوا وازاى هيتطمنوا على بعض وازاى هيتقابلوا فى اساسيات كتيره علشان الحب ده ينحج

المهــــــــــم انا اسفــــــــــه انى طولـــــــــت عليكم واسفــــه انى رديت على الموضوع بموضــــوع بس انا شا يفه ان الموضوع مهم ولازم نشوفه بمنظور مختلف

المهــــــــــــــــــــــــــــــــــــــــــــــــم مشكوووورين اوى اوى وميرسى ليك يا ميمو على الموضوع الرائع ده واسفه لو طولت عليكم

يا ريت تتقبلوا مرورى Wink

مشكورة ياقمر ع الرد وانا معاكى ف كل اللى قولتيه ومنورة المنتدى

Razz

بس في ولاد كتير زى اللى بتتكلمى عنه وبيبقى الواحد منهم مش عارف هو عايز ايه ومفيش واحدة بس ف حياته بس لقيت انهم كلهم (عيال ) ومحدش يزعل من كلامى بس فعلا محدش عارف هو عايز ايه وده للبنات والشباب

انا اسف انى دخلت كدا ع طول بس يا مونى انامش معاكى ف النقطه دى علشان صوابعك كلها مش زى بعــض يعنى ف ناس كدا ونأأس كدا